मोर्चा नेता राजेन्द्र महतो घाइते

विराटनगर– मधेसी मोर्चाको एक घटक राजेन्द्र महतोको नेतृत्वमा भारतीय भूमि हुँदै नेपाल प्रवेश गरेका मोर्चा कार्यकर्ताले दशगजामा बसेर नाका अवरोध पार्न खोजेपछि विराटनगरको रानी भन्सार तनावग्रस्त भएको छ।

धर्नामा बसेका सद्भावना अध्यक्ष महतो घाइते भएका छन्। उनको टाउकोमा चोट लागेको छ। उनको विटानरस्थित गोल्डेन अस्पतालमा उपचार भइरहेको मोर्चाका एक नेताले जानकारी दिए। उनका अनुसार महतोको टाउकोसँगै घुँडालगायत शरीरका विभिन्न ठाउँमा चोट लागेको छ।

महतो दशगजामा धर्नामा बसेका बेला प्रहरीले हस्तक्षेप गरेको थियो। नेपाल प्रहरीले हस्तक्षेप गरेपछि भारतीय सीमातर्फ भागेका महतो भारतीय सीमा सुरक्षा बल एसएसवीको हस्तक्षेपमा परेका थिए।

श्रोत - नागरिक न्युज